Սիրո դրսևորումը մեր օրերում

Սեր….Թերևս մարդկության մեջ ամենաշատ քննարկվող թեման:Այս` զգացմունքը ասեմ, թե երևույթը ասեմ, չգիտեմ, մարդկանց միշտ էլ հետաքրքրել է և դեռ կշարունակի հետաքրքրել:Եվ դժվար է պատկերացնել, որ կգա մի ժամանակ, երբ սիրո թեման այլևս սպառված կլինի և քննարկման համար ոչ պիտանի:

Լավ որ սկսել եմ, շարունակեմ:Դե որ այդպես է եկեք այսօրվա թեման նվիրենք սիրուն:

Այնքան եմ նյարդայնանանում երբեմն, որ չգիտեմ էլ` ինչից սկսեմ:Հիմա կարծում եմ կմտածեք,թե ինչպես կարող է այս աղջիկը սիրո թեմայով խոսել ու այն էլ նյարդայնացած:Նախ` սերն արդեն վաղուց է,որ իր բուն` մաքուր, անմեղ ու սքանչելի զգացմունք լինելու դերը սկսել է զիջել մի տարօրինակ «եսիմինչի»:

Հայաստանի Հանրապետությունում` մեր իսկ կողքին ապրում են մարդիկ,ովքեր պատկանում են «քյարթու»(կամ գոնե քյարթու մտածելակերպ ունեցող) ռասսային:

Երբեմն նայում եմ որոշ քյարթու տղաների ու մեկ անգամ  ևս հասկանում, որ հիմա բարոյական արժեքները փոխվել են:Հա, գիտեմ` տարիքս թույլ չի տալիս համեմատություն անել ներկայի ու ասենք 50 տարի առաջվա միջև, բայց հաստատ ես այդպես չեմ դաստիարակվել:Պատկերացում կազմում եմ մեզանից մի քանի տասնամյակ առաջվա մտածելակերպի և հասարակության նորմերի մասին:Կան բաներ, որ ինքս էլ չեմ ընդունում,կան բաներ էլ,որ ընդունում եմ որպես օրենք և այլ կերպ չեմ պատկերացնում:Օրինակ ինձ համար միանշանակ է այն, որ տղամարդը պետք է ասպետ լինի իր վարվելաձևով, պահվածքով և բնավորությամբ:Իսկ մեր օրերում հանդիպում ես այնպիսինների, ովքեր մեղմ ասած հեռու են նկարագրածիցս:

Հիմա ցանկացած իրեն «տղա» համարողը կարող է իրեն թույլ տալ ոչ միայն աղջիկների բամբասանքը լսել ու խառնվել դրան, այլև աղջկա վրա կռիվ գնալ:Ավելին` «ռազբոռկա» անել, առանց մտածելու իր առջև տղա է կանգնած , թե աղջիկ:Ես սա համենայն դեպս չեմ հասկանում (երևի դեռ այդքան խելքս չի հասնում ելի): Մի խոսքով սա սիրո հետ կապ չունի…բայց մի րոպե, ինչ սիրո մասին կարող է լինել խոսքը այս պայմաններում:Ես չեմ պատկերացնում, որ կարելի է սիրել նրան, ով մոռանում է ` ինչ ասել է իրական տղամարդ լինել: Մեղկ եք , մեղկ: Իսկ այն աղջիկները, ովքեր իրենց խելքը հացի հետ են ուտում ու նման թուլամորթների սիրահարվում, ես իրոք ցավակցում եմ, բայց չեմ մխիթարում. դժվար թե  նման «քյարթու» մտածելակերպով մարդիկ երբևէ փոխեն իրենց աշխարհընկալումն ու հայացքները:Օրինակ այդ ռասսայի մոտ կա մի արմատավորված ու վաղուց արդեն ճշգրտված ցուցակ, ըստ որի նրանք սիրահետում են աղջիկներին (նրանց կարծիքով միայն բնականաբար): Իմ հետաքրքրվելով այդ ցուցակը մոտավորապես այսպիսին է:

• Նախ` տեսնել աղջկան ու հավանել նրան այնքան, որ գոնե իրենց «դզի» այդ աղջիկը (անկեղծ ասած ես կամաչեի, եթե մեկին այնքան դուր գայի, որ «դզեի»):

• Հետո քուչի տղերքից իմանալ նրա համարը

• Նախորդ բարձունքը գրավելուց հետո պետք է ժամանակ առ ժամանակ երևալ այդ աղջկա մոտ, որ այդ աղջիկը իրեն նկատի:

• Հաջորդ մի քանի կետերը բնականաբար սրանք են`

1. - տղեքով լռվել աղջկա բնակության վայրի կամ սովորելու բակում
2. -լինել բոլոր այն վայրերում, որտեղ սովորաբար լինում է իրենց հավանած աղջիկը
3. -հանդիպել և խոսել բորոր այն տղաների հետ, որոնց «բախտ է վիճակվում» ինչ-ինչ հանգամանքներում շփվել այդ աղջկա հետ և այլն, և այլն...

Սա է այն ցուցակը,որի բոլոր կետերը խնամքով և բարեխիղճ կատարելու դեպքում հաղթանակը տվյալ տղայի ձեռքում կլինի:Եվ սա դասական հայ տղայի` աղջկան սիրահետելու ծրագիրն է:

Թեև այսպես վրդովված խոսում եմ, բայց կան աղջիկներ,որոնց դա դուր է գալիս , ասեմ ավելին`դա պարծանք է, եթե նա պատվի է արժանացել` նման վերաբերմունք ստանալով (ինչպիսի հիասթափություն):

Լավ էլի:Միթե կարելի է այսպես շարունակել:Չգիտեմ` դուք ոնց իմ հայրենակից հայուհիներ, բայց սա հաստատ ինձ համար չէ, և ես անգամ կամաչեի, եթե նման վերաբերմունքի արժանանայի:Սարսափելի է պարզապես…..Ուղղակի երևի հիմա սիրո դրսևորումը որոշ մարդիկ այլ կերպ են հասկանում:

Այսքանից հետո ինձ միայն  մի բան է մնում ասել, կոչ անել 21-րդ դարի հայ երիտասարդ տղաներին, որ ասպետ մնան:Հավատացեք, դուք այդպես ավելի շատ երկրպագուներ կունենաք աղջիկների շրջանում:

P.S. Հայ տղաները շատ էլ լավն են ու չմտածեք գրածս բոլորին էր վերաբերվում:Պարզապես քիչ են նրանք,ում կարող ես իսկական հայ տղամարդ համարել, նրանք մեծամասնության մեջ գրեթե չեն երևում, բայց այդպիսիք գոյություն ունեն: Ուրախ եմ, որ իմ շրջապատում հենց այդպիսի մարդիկ են: